ربـــــــــــــاعيــــــات صلاح جـــــــــاهين
احسن ما
فيها العشق والمعشقه
وشويتين الضحك والتريقه
شفت الحياه
لفيـــــــــت
لقيت الالذ تغييرها
وده يعنى
التعــــب والشـــقا
****************************
فى يوم صحيت
شاعر براحه وصفا
الهم زال
والحزن راح واختفى
خدنى العجب
وسالت روحى سؤال
انا مت؟ ولا
وصلت للفلسفه
*****************************
عجبتنى كلمه
من كلام الورق
النور شرق من بين حروفها
وبرقـــــــــ
حبيت اشيلها ف قلبى
قالت حرام
ده انا
كل قلب دخلت فيه اتحرق
*****************************
اعرف عيون
هى الجمال والحسن
واعرف عيون تاخد القلوب بالحضن
وعيون مخفيه وقاسيه
وعيون كتير
وبحس فيهم كلهم بالحزن
*****************************
تسلم يا غصن الخوخ
يا عود الحطب
بييجى الربيع
تتطلع زهورك عجب
وانا ليه
بيمضى ربيع
وييجى ربيع
ولسه برضك
قلبى حتة خشب
عجبى!!
******************************
يا قرص شمس
مالهش قبة سما
يا ورد من غير ارض
شب ونما
يا اى معنى جميل
سمعنا عليه
الخلق ليه عايشين حياه مؤلمه
*******************************
كيف شفت قلبى
والنبى يا طبيبى
همد ومات
ولا سامع له دبيب
قاللى لقيته
مختنق بالدموع
ومالوش دوا
غير لمسه من ايد حبيب
*******************************